不知不覺愛上文根英，0係《翩翩喜歡你》之前有《吾妻16歲》，《向左愛，向右愛》，同埋我唯一想睇而未睇0既《姊魅情深》。好喜歡一0的電影首先要演員學識一樣技能，再拍攝佢地學成之後0既喜悅！因為佢地真係新學麻！好似《喇叭書院》之類。但係估唔到文根英學森巴舞跳得有版有眼！散發出女人味已不再是《吾妻16歲》的小妹妹。
劇情冇咩特別，亦唔會有瘋狂笑料，但係誠意十足，由心感動。你可以用心睇到有0的戲係真係想拍戲，有0的係想呃錢，有0的只係想拎獎...
ＤＶＤ最特別係有Hidden Menu！！最最特別係我唔識開！ＤＶＤ機冇得揀，要0係電腦爆開條Track再入番Hidden Menu...睇到佢地學緊(Dancing Lesson)同埋拍攝比賽(Dancing Competition)，好感動！！！！！
題外話，我好少聽粵語配音，所以港版除0左Make Sure有中文字幕外，冇咩吸引力（可能仲有“平“,但係對我要求質素同充足內容的話，我寧願貴）。但韓片3區ＤＶＤ好多時都有中文字幕，而且包裝精美，所以買韓版會抵0的。我仲懷疑港版Cut短0左...我諗我要補買韓版，《親切的金子》都係.....
3 則留言:
唔係講笑....千衹唔好睇《姊魅情深》!!我算係鐘意睇韓片,不過呢套就....
我係新年期間都租左《翩翩喜歡你》,劇情雖然老土,但係又睇到我流晒馬尿.橋唔怕舊,最緊要受.睇戲都只係想笑下喊下俾自己幻想下者!不過我個人覺得呢套好睇過《吾妻16歲》.
等我介紹下d心水韓片俾你啦!!
1.我的野蠻女友
2.向左愛，向右愛
3.假如愛有天意
4.抱擁這分鐘
5.愛的空間
6.八月照相館
7.觸不到的戀人....仲有d我唔記得套名lu!!
1.我的野蠻女友
我有韓版，日版DVD，港版VCD，OST。
2.向左愛，向右愛
鍾意！結局太意外！
3.假如愛有天意
我冇睇，曾經想睇，但係唔係好睇孫藝珍...
4.抱擁這分鐘
未睇...
5.愛的空間
係咪無?電隔世情0個套？
6.八月照相館
都有VCD,同韓版BoxSet,連OST個套。
7.觸不到的戀人
買飛佛，韓版，日版DVD，港版VCD，OST。
仲有《野蠻師姐》港版，韓版DVD BoxSet連OST，其實原裝片名《Windstruck》會貼題0的。鍾意全智賢關係，連《與鬼同桌》都睇。鍾意全智賢由《觸不到的戀人》開始，未有港版都睇韓版冇字幕DVD(其實0個時都未知佢係邊個）...
1.我的野蠻女友
最後餐廳拖手個幕真所有人都想擁有的感覺!
2.向左愛，向右愛
未睇
3.假如愛有天意
唔鐘意! 太多眼淚.
4.抱擁這分鐘
未睇.
5.愛的空間
未睇
6.八月照相館
好想睇亦有VCD, 但係我一直未有心情睇
7.觸不到的戀人
好正我鐘意! 但始中情書先係The Best!
發佈留言