《Daisy 初菊》-何謂 Director's Cut ? 番外篇1

即係咁，我係半個全智賢Fans，所以好期待呢套戲。到知到呀劉導演話有“無間feel”，即時淋半桶水，都係留返睇DVD先！港版DVD出左，都想買，但憑多年買DVD經驗，都係望望韓版先，雖然預左冇中文字幕，最多咪睇英文字幕，《觸不到的戀人》最初冇港版都係咁睇。好彩冇買錯，雛菊(DTS Director's Cut Edition)，內有國際(International version/Director's Cut)及韓國(Korean version)兩個不同電影版本DVD，無論故事及結局均有所不同！Bonus Disc特別加錄：監製及演員鄭雨盛、全智賢聲音評述，製作特輯，海報套裝、預告片、釜山電影節片段，台前幕後花絮，預告片等等...套裝連同豪華盒包裝，仲有film clip 6 格，並隨碟加送影片圖片集一本！