懷疑被騙（有部份內容，注意！）

咁多年黎都信自己眼光揀戲睇，加上強勁忍耐力，就算睇爛片都開心。

今日不幸地揀錯一套片黎睇，絕對影響我既心情。首先“話”有外星人，仲有“唔去戲院睇”唔得，“唔同平時Ｄ style”，“好想講但係唔爆得”，“我地就幾鍾意”，“安彥一定要去睇”，“影評兩極端，一係好鐘意，一係好唔鐘意”。

無錯，影評兩極端，我係好唔鐘意！！！

無故事性，無演技，情節犯駁，唔合情理，連最基本的主旨訊息都唔明確，仲要睇到噁！Handheld 係一種技巧，用得合當係好有特色，好多導演如岩井俊二，北野武，彭浩翔，朴贊旭，甚至王家衛，杜琪峯，都有大量 Handheld shot，但係要適可而止，84分鐘全程handheld，靜止畫面最長不足15秒，幾好忍耐力都會想噁！劇情基本上係早幾年前套GOZILA(美版哥斯拉)既DV handheld 版，但劇本仲差過GOZILA(我係日版GOZILA Fans)，起碼人地講得通係個好恨搏出位既電視臺姐仔同攝影師，連命都唔要走去拍！呢套真係睇唔出男女主角有幾咁相愛，朋友幾咁講義氣，兄弟叔嫂幾咁有親情，可以捨命去救個唔知死未既女主角！個幾下cut shot仲話係感情細膩？如果佢拍得出個種戲味，編得出個種迫力，演得出個種感情咪正晒啦！明顯導演放棄呢種手法，每位演員都用佢個口演戲，用口講／喊出佢地既心情！！最好個場係男主角媽媽打電話比佢，男主角要報哀個一幕，靜咗2分鐘但係鏡頭依然搖緊。全片無頭無尾，唔知原因又唔知結局，都唔緊要，訊息又唔夠強烈，要“珍惜眼前人”呀？定係“得快樂時且快樂”？橫豎都要死咯！係好有現場感呀，好似主角一樣，死咗都唔知咩事！

其實將佢拍成半小時短片，大家會容易接受，犯駁位會大幅減少，人物減少／增加角色之間既感情表達；再唔係就多觀點緢寫，男主角／軍人／媽媽／TV News....多角度或不同故事組合，至少唔使臨死都要搖住鏡！一個平民點會咁有使命感？

如果要睇臨場感，要睇災難，要“睇”聲效，要睇CG有幾難做，DV Handheld camera　有幾“創新”，fine，呢套係你既好選擇，不過我寧願睇我最唔想睇既新聞紀錄片，就算幾秒鐘，都比呢套震撼100倍，CG無法比美，現場感100﹪！

我都有打機，有做運動，可睇慢情節，愛情片，科幻片，怪獸片，clut片，全無情節短片，但係呢套實在.....呀！呢套係我有史以來第一次比（１）粒星／30分既戲，叫做《Cloverfield 末世凶煞》！！

http://www.apple.com/trailers/paramount/cloverfield/large.html

20080120：133600 P.S.update
片頭只有字幕時，煞有介事地講明這是一段SD咭的vedio，it's digital！！Digital file　影像一係有，一係無！係無殘像架！而且男主角都有句對白大概是：我有盒錄影帶在機內，你用那一盒帶？你重錄了嗎？＜﹣﹣那是一盒錄影帶！