"反清"之後

好煩氣呀！我讀理科架！中史好差成績...“復明”之後大把野做，你估我好得閒？彩虹六號都搞我成個禮拜，又要整番好我張皇位，UFO爛左個幾月都未整，趕睇番借落o的碟，你o個o的呀！我唔想借完唔睇就還返俾人，有o的唔尊重套戲，更加唔好講借左又唔睇又唔還俾你啦！仲要無啦啦買隻山口式VF-1J，又要改噴藍色做麥斯專機，做到一半又走去買隻FRAULEIN REVOLTECH女仔返黎，又想自製一隻，搵畢地搓左對腳又發覺join位有問題，唯有批走買返黎o個隻，再補畢地改過！收返黎o個十幾隻DVD又無位放，仲有要Display個新閃燈同埋白色巨塔，即係又要執房，S君的數學題又搞半晚，仲新買3套DVD，想睇好耐既宮崎葵仲有岩井俊二...就連生日飯都未食晒！！！仲要感冒，３日喇！做咁多野仲要諗更多野，點解我要瞓覺架？仲要鍾意發夢，如果唔咪咁一日有24小時咪好用囉！仲要發夢都記到，留返黎寫劇本用，其中一個係：《給小白兔蓋上白兔印》......唔係爛gag，我真係發夢捉住隻白兔“吸”白兔印，紅色既白兔印......十日咋！“復明”十日咋！我都無計公司o的“濕聲”野，今日又要去覆診，你估我真係好返晒呀？

你睇我用幾多次“又”同埋“仲”！！！！！